Делегация во главе с ректором Бухарского государственного педагогического института Баходиром Маъмуровым ознакомилась с деятельностью факультетов Университета Гази

    Gazi universitetining Ta’lim fakulteti universitet ochilgan vaqtdan boshlab faoliyat olib borayotgan fakultet boʻlib, 6000 dan ortiq talaba tahsil oladi. Fakultet Turkiyada salmoqli oʻringa ega. Institut rektori fakultet professori Fatma Açık bilan uchrashdi. Professorning oʻzbek tili va adabiyotiga oid ilmiy ishlari yuzasidan suhbat qurildi. Institut magistrlari va doktorantlariga ilmiy maslahatchi boʻlish taklifi Fatma Açık xonim tomonidan qabul qilindi.

    Buxoro davlat pedagogika instituti rektori Bahodir Ma’murov Gazi universitetining Sport fakulteti faoliyati bilan yaqindan tanishish maqsadida fakultet dekani Halil Ibrahim bilan uchrashdi. Sport fakulteti uchun yaratilgan shart-sharoitlar, ikki oliygohning sport yoʻnalishi boʻyicha koʻrsatkichlarini oshirish maqsadida oʻzaro tajriba almashish, qoʻsh ilmiy rahbarlik qilish, magistrlar va doktorantlar uchun dars mashgʻulotlarini ikki oliygohda olib borish kabi masalalar boʻyicha muzokaralar olib borildi.